កម្លាំងនគរបាលប៉ុស្តិ៍ក្បាលកោះ ឃាត់ខ្លួនមុខសញ្ញាជួញដូរគ្រឿងញៀន ២នាក់
15-May-2018 | ដោយ ពលមនសិការ
ភ្នំពេញ ៖ មុខសញ្ញាជួញដូរគ្រឿងញៀន២នាក់ត្រូវបានកម្លាំងនគរបាលប៉ុស្តិ៍ក្បាលកោះ នៃអធិការដ្ឋាននគរបាលខណ្ឌច្បារអំពៅឃាត់ខ្លួនកាលពីថ្ងៃទី១៤ ខែឧសភា ឆ្នាំ២០១៨ វេលាម៉ោង២២និង៣០នាទី នៅមុខដីឡូត៍គ្មានលេខ ផ្លូវជាតិលេខ១ ភូមិជ្រោយអំពិល២ សង្កាត់ក្បាលកោះ ខណ្ឌច្បារអំពៅ។
លោកវរសេនីយ៍ឯក ម៉ៅ សឿត អធិការរងខណ្ឌច្បារអំពៅបានឱ្យដឹងថាជនសង្ស័យទី១-ឈ្មោះជិន ហ៊ាង ភេទ ប្រុស អាយុ១៧ឆ្នាំ ជាតិខ្មែរ មុខរបរកម្មករសំណង់ ស្នាក់នៅភូមិបាក់ដោក ឃុំព្រែកជ្រៃ ស្រុក ពោធ៌រៀង ខេត្តព្រៃវែង នឹងទី២-ឈ្មោះចន្តា រក្សា ភេទប្រុស អាយុ១៤ឆ្នាំ ជាតិខ្មែរ មុខរបរ សិស្ស ស្នាក់នៅភូមិបាក់ដោក ឃុំព្រែកជ្រៃ ស្រុកពោធ៌រៀង ខេត្តព្រៃវែង។
ដកហូតបានវត្ថុតាងមាន ៖ ក្រាមពណ៌សថ្លា (សង្ស័យគ្រឿងញៀន) ០៤កញ្ចប់ថង់តូច, ម៉ូតូ០១គ្រឿងម៉ាកSmash Revoពណ៌ខ្មៅ ពាក់ស្លាកលេខ ព្រះសីហនុ1A-7837, ទូរស័ព្ទដៃ០១គ្រឿងម៉ាកNokiaពណ៌ខ្មៅ។ បច្ចុប្បន្នកម្លាំងជំនាញកំពុងកសាងសំណុំរឿងដើម្បីចាត់ការតាមនីតិវិធី ៕
ចំនួនអ្នកទស្សនា
- ថ្ងៃនេះ8101
- ម្សិលមិញ9421
- សប្តាហ៍នេះ63761
- ខែនេះ178911
- ឆ្នាំនេះ178911
- សរុប20621367